Nagbakasakali

Pagoda coldwave lotion (ginagamit niyo pa ba ito?) ang byuti ko kahapon dahil limang Segunda Mana branches ang nirampahan ko - Monumento, Sta. Lucia, Riverbanks (2), at Ali Mall. Nagbakasakali ako dahil panaka-naka ay may nagdo-donate sa kanila ng physical media. Sa mga hindi nakakaalam, ang Segunda Mana ay isang programa ng Caritas Manila upang makatulong sa mahihirap. Ang mga in-kind donation na natatanggap ay ibinebenta sa mga outlet at ang kinikita dito ay nagiging pondo ng iba't ibang proyekto. Morayta lang ang benta nila sa mga cassette tapes, CDs, VCDs, at DVDs. Dati ay sampung piso pero ngayon ay nasa bente pesos na. Wit na masama dahil mapupunta naman sa magandang hangarin ang ating ibabayad. 

Kahit parang makakalas na ang tuhod ko kalalakad, hindi naman ako nabigo dahil nakabuyla ako ng tatlong DVD at dalawang VCD. Isa diyan ang rare copy ng May Pag-ibig Pa Kaya? movie ni idol Juday. Kasama niya dito sina Gladys Reyes, Matet De Leon, at leading man si Luis Alandy.

Bukod sa nabanggit, may mga damit, appliances, bag, sapatos, maleta, lamesa, aparador, kuna, stuff toy, at planners din na binebenta. May pagkalaki-laking treadmill pa nga! 'Yung ibang items parang old stock na galing sa department store. May mga libro din tulad ng textbooks, children's book, at pocketbooks. 'Di ko lang napansin kung mayroon silang kopya nitong binabasa ni daddie Gary Estrada...

Kalagitnaan 1.0

Noong kalagitnaan ng pandemya at hindi tayo makalabas, nadiskubre ko ang Peccadillo Pictures. Nagbebenta sila ng DVD at Blu-ray copies ng LGBTQIA+-themed movies na gawa mula sa iba't ibang panig ng mundo. May yearly sale sila at nag-take advantage ang byuti ko last year para madagdagan ang aking koleksyon. Heto ang ilan ang kanila...

Sequin In A Blue Room (Australia)

Sequin ang ngalan ng bida dito na mahilig makipag-one night stand wearing his sequined outfit. Parang costume niya tuwing lalandi siya. Lakas maka-Superman char! After sex, dedma na siya sa mga otoks to avoid emotional connection. One time, naka-sex niya si B na mas may edad sa kanya. Pero just like the others, ghinost niya ito at dito na nagsimula ang obsession ni daddy. Medyo nakakakaba ang ilang eksena and I actulally liked the story. Kakaiba siya sa ibang queer films na napanood ko kaya I highly recommend this, mga ateng.

A Moment In The Reeds (Finland)

Migrante mula sa Syria ang arkitektong si Tareq. Pero dahil hindi siya marunong mag-Finnish, nahirapan siyang makahanap ng trabaho na swak sa pinag-aralan niya. Nauwi siya sa pagkakarpintero at inatasan siya ng ahensyang pinapasukan na ayusin ang rest house ng tatay ni Leevi malapit sa ilog. Dito nagkita ang dalawa at nabuo ang matamis na pagtitinginan. Of course, hindi ganyan kasimple 'yan dahil pinakita dito ang struggles ng mga migrants. Ang shakit sa puso sa true lang.

Just Friends (Netherlands)

This is one of my faves from my purchases! Kung pagod na kayo sa tragic storylines about queer life, mare-refresh kayo ng love story nina Joris at Yad. Just like Tareq, Yad is also from Syria at namamasukan sa lola ni Joris. Dito sila nagkakilala at nagka-sparks fly by Taylor Swift. They bonded through biking, surfing, and music. Todong mamahalin niyo ang lola ni Joris dahil 100% ang support niya sa dalawa while nakakatawang nakakainis ang nanay niya.

Itutuloy...

Restoration Project #16: Iligpit Ang Tanging Saksi (Unang Labas)

Napakadaming malls na dito sa Kamaynilaan, ano? Magkabilang dulo ng EDSA, may SM. Tapos pare-pareho lang na kainan at damitan. Hindi tulad dati na dadayuhin mo pa ang isang mall kasi doon lang may branch 'yung store. I mean it's a good thing na 'di mo na kailangan pang bumiyahe nang pagkalayo-layo kung meron naman sa malapit but where's the variety? Idk, pero hindi na appealing sa akin ang mall experience unlike before. Pumupunta na lang ako kapag may bibilhin at pagkatapos, batsi na. No more tambay or window shopping. 

Sa pagpapatuloy ng restoration project natin, this time ay ibabahagi ko sa inyo ang pagsisimula ng kwento ni Aleta sa mga pahina ng Tagalog Komiks. Nauna ko itong ma-restore bago ang Bwagamba. Hindi ako masyadong nahirapan dito dahil medyo maayos pa ang original copy, may konting stains lang due to age. Enjoy!

Iligpit Ang Tanging Saksi

Nobela ni Zoila

Guhit ni Fabie

Tagalog Klasiks
Oktube 13, 1997
Taon 48 Blg. 2326

Atlas Publishing Co., Inc.

Restoration Project #15: Bwagamba (Unang Labas)

Eksatong dalawampu't pitong taon na ang nakalilipas nang unang mailathala sa mga pahina ng Tagalog Klasiks ang Bwagamba, ang nobelang isinulat at iginuhit ni Rico Rival. Kadalasan ay sa drama ko nakikita ang mga likha niya pero dito, more on action and adventure. Sayang at hindi ko ito nasubaybayan, isang komiks lang kasi ang kaya kong pag-ipunan at bilhin sa baon ko noon. 

Una ko itong ibinahagi noong 2012 thru Komiks, mga panahong 'di ko pa gamay ang restoration. Pero dalawang taon na pala simula nang matapos ko ang proyektong ito at hindi ko pa pala nai-share sa inyo. I hope you enjoy this masterpiece! 

Bwagamba

Katha't Guhit ni Rico Rival

Tagalog Klasiks

Marso 31, 1997

Taon 40 Blg. 2270

Atlas Publishing Co., Inc.

Itlog

Kahit na kinalakhan ko ang tradisyon na sa bahay lang pumirmi kapag Semana Santa ay hindi ko napigilan lumabas at magpa-araw kahapon. Ilang araw din kasi akong nasa loob lang ng bahay at feeling ko, dapat na akong makalanghap ng polusyon sa Kamaynilaan. CHOS! Dahil naka-holiday ang mga tren, sumakay muna ako ng jeep. Wala naman trapik kaya mabilis akong nakarating sa Manila Bay.

Kung hindi niyo alam, patuloy ang reclamation sa Manila Bay. Sakit sa mata ng buhangin at mga barko na nakatambay sa gitna ng tubig. Wala na ang dating maaliwalas at malawak na baybayin. Nakaka-miss ang mid-2010s era kung saan walang ganito pati na rin ang Dolomite beach. At 'wag kayong maniwala sa fakes news dahil hanggang ngayon, may basura pa rin.

Bilang Easter Sunday na, makwento ko lang na 20 years ago, kinuha ng isang events company ang buong section namin sa college para maging production assistant ng Easter Egg Hunt sa SM Supermalls. Buong araw na event 'yon dahil ala-singko ng umaga ang call time at matatapos ng bandang ala-singko ng hapon. Kanya-kanya kaming branch ng SM at dapat bago magbukas ay nandoon na dapat kami para mag-setup. Nakatutuwang panoorin ang mga bata na nagkakagulo sa mga plastic na itlog at tuwang-tuwa sa mga papremyo. Siyempre hindi maiiwasan ang mga intrimitidang magulang.

Bilang bukas ay balik-trabaho na tayo, hayaan niyong maging inspirasyon natin ang imahe ni Franco Zobel para pasukin tayo ng positive energy. Ito ay nailathala sa mga pahina ng Bedtime Stories...

Pakunswelo

Semana Santa. Karamihan sa atin ay nakabakasyon at sa Lunes pa muling papasok. Kaya naman nagsipag-uwi muna ang ilan sa kani-kanilang probinsya, malayo man o malapit, para makasama ang pamilya. Iba pa rin kasi talaga kapag kapiling mo sila. Para naman sa mga bayaning puyat, regular na araw lang ito. Pakunswelo ang double pay. Hindi na masama dahil sa panahon ngayon, kailangan natin ng ekstrang kita.

Eto pala ang unang kong blog ngayong 2024. Kumusta kayo, mga ateng? Maganda ba ang pasok ng taon? Kung hindi, hindi pa huli ang lahat para ikutin ang gulong ng palad. Sabi nga sa kanta ng Aegis, kung noon ay nasa ilalim, sana bukas na ibabaw naman. In short, magpaka-top ka. CHAR!

Marami akong thoughts and opinions about life na hopefully ay maibahagi ko sa inyo sa mga susunod na araw. Sa ngayon, basahin muna natin ang biyahe ng mag-asawang Dencio at Rizza...

Isang Gabing Punung-puno ng Kasabikan
Kwento ni Conrado Diaz
Guhit ni Nar De Mesa

Sakdal Bold Komiks
Oktubre 5, 1983
Taon 1 Blg. 007

Kaharapin

2014 pa pala noong huli akong manood ng pelikula sa Metro Manila Film Festival (MMFF). Magsasampung taon na! Oh well, daming factors why pero ang pinaka diyan ay ang pagkamahal-mahal na presyo ng ticket. But this time, lumabas ako ng lungga at nagtungo sa Gateway Cineplex para panoorin ang pelikulang isinulat ni Archie Del Mundo mula sa orihinal na istorya ni Lex Bonife, ang Broken Hearts Trip...

Broken Hearts Trip (2023)

BMC Films and Smart Films

Directed by Lemuel Lorca
Screenplay by Archie Del Mundo and Lemuel Lorca
Starring Iyah Mina, Marvin Yap, Teejay Marquez, Petite, Andoy Ranay, and Christian Bables

Kwento ito ng limang broken hearted na sumali sa isang travel reality show. Kada lugar, may challenges na kailangang kaharapin, whether physical or emotional, at ang magwawagi ay mag-uuwi ng isang milyong piso. Ang mga kasali ay sina...

Mark (Petite) - isang transgender woman na tumayong ina sa anak ng kanyang jowa

Alex (Ranay) - tinakasan ng jowa matapos kubrahin ang limang milyong piso na investment sana sa isang negosyo

Ali (Yap) - ipinagpalit ng afam sa iba at nalugi ang negosyo

Bernie (Mina) - 'thank you girl' o palaging runner-up sa mga beaucon, never naging winner pati sa puso ng jowang kinupkop at inalagaan

Jason (Marquez) - la ocean deep na ta-ar-tits at nangangailangan ng pangalawang pagkakataon na sumikat

Unique ang plot pero relatable ang bawat background ng mga bida. Mabilis ang pacing at walang filler scenes. Pinakamaganda sa lahat ang cinematography dahil iisipin mong mag-book agad ng bakasyon sa mga lugar na kanilang pinuntahan. I personally want to experience the boat ride at 'yung pagtalon sa falls.

Sobrang fan ako ni Iyah Mina sa Mamu; And a Mother too at hindi siya nagpakabog sa aktingan dito. But the two characters that surprised me were Petite and Marvin Yap. Ang gagaling nila sa mga karakter nila. Ramdam mo 'yung sakit ng pinagdaanan nila na naging dahilan para sumali sa kontes. Petite was very motherly. My only critic siguro about the film is they could have highlighted the winner sa ending then transition to the story of the host (Bables).

If you want to feel good, be entertained, at manood ng kakaibang istorya this MMFF season, I recommend you to watch this film kahit na palabas na lang ito sa piling sinehan. Yesterday, it was only screened sa SM Megamall at Gateway sa Metro Manila. Like ika-apat na araw pa lang ng MMFF pero ganito na ang trato sa ilang entries. I hope MMDA can do something about it like entries have guaranteed number of cinemas for their entire run.

Rating: 3.5/5 stars